Moitas Grazas por estes tres anos.

Hoxe vense de confirmar que o vindeiro ano non estarei de mestre no C.E.I.P. Javier Sensat e quería aproveitar este blogue para poder despedirme de quen non o poda facer en persoa. Gustaríame darlle as grazas a toda a comunidade educativa deste entrañable colexio polo trato que recibín dende o primeiro momento en que cheguei, especial agradecemento para Jesús, Maribel e Ramón pola súa especial comprensión coas complexidades da miña situación persoal. 

Un gustazo compartir horas de traballo co claustro de mestres, voume sendo mellor mestre grazas a vós. As miñas compañeiras de ciclo Marta e Susana que foron ás que máis preto tiven. A Manuel por compartir horas de futboleo.

Aos pais e nais dos alumnos que colaboraron en todo momento para que a formación dos seus fillos e fillas fose a mellor.

A Lino porque nel atopei un bo amigo e un profesional enorme.

Espero compartir o curso con xente tan boa coma vos no novo colexio e tamén podervos atopar de novo no meu camiño algún día.

Unha aperta. Eloy Porto Vázquez

Programa Xornadas de teatro

O Cocello de Vigo ven de expoñer o Programa das IV Xornadas de teatro escolar onde  o C.E.I.PJavier Sensat vai participar con dúas obras :"O Coelliño branco" e "A Lenda do río do esquecemento".

As nosas representacións serán o xoves 23 de maio a partir das 11 e media. Esperamos que coas nosas obras desfrutute todo o público.

Representación das Obras de Teatro

  

A escola Municipal de Teatro ven de confirmarnos as datas nas que os alumnos/as de 1º CICLO representaremos as obras de teatro nas que tanto tempo levamos traballando: "O COELLIÑO BRANCO" E "A LENDA DO RÍO DO ESQUECEMENTO".

• VENRES 3 DE MAIO no C.EI.P. da Doblada.
• VENRES 10 DE MAIO no C.E.I.P. Celso Emilio Ferreiro.
• MÉRCORES 15 DE MAIO só 1º curso No FESTIVAL DAS LETRAS GALEGAS C.E.I.P. Javier Sensat. (Aberto aos pais)
• XOVES 16 DE MAIO só 2º Curso No FESTIVAL DAS LETRAS GALEGAS do C.E.I.P. Javier Sensat. (Aberto aos pais)
• XOVES 23 DE MAIO no Auditorio Municipal. (aberto aos pais).

 

Estamos impacientes por que cheguen estas datas e esperamos que desfrutedes do noso traballo

 

 

Noraboa!!

Os alumnos/as de segundo de primaria obtiveron un gran recoñecemento polo moito que len e se aproveitan da biblioteca do centro. O equipo de Bblioteca outorgou os premios trimestrales aos mellores lectores do trimestre e a nosa clase recibiu uns fermosos agasallos por ser a clase que máis leu.
Aproveitaron que se conmemora a semana da Prensa para organizar este acto que tivo lugar hoxe Venres 15 despois do recreo.
Os que non puidestes asistir hoxe a clase por estar enfermos ou lonxe (non nos esquecemos de Lucas) tedes esperando os vosos agasallos.

A SEGUIR DESFRUTANDO DA LECTURA!!

50 Anos de Balbino

Coñecimos a Balbino o protagonista de "MEMORIAS DUN NENO LABREGO" No aniversario da 1º publicación deste fermoso e inesquecible libro do escritor cruceño Xosé Neira Vilas.

 Preparamos tres grandes carteis : No primeiro podemos ver unha portada do libro que quizais polo tempo de publicación sexa a que coñezan moitos dos vosos pais.

 No segundo pódese ler a frase que abre o libro e que tanto nos deu que pensar sobre a personalidade de Balbino. Tamén quixemos que aparecera unha imitación da ilustración que Isaac Díaz Pardo fixo do Balbino cun carro de vacas.

O terceiro cartel é unha imaxe dun neno labrego que nos serviu para ilustrar mellor como podía ser Balbino e que apariencia tería.

 A min tróuxome recordos incribles de cando lin por primeira vez o libro sendo un cativo.

Déixovos un enlace no que hai un resumo dos capítulos e actividades entretidas de axilidade visual e vocabulario.
http://chiscos.net/f1/memorias/memorias_dun_neno_labrego.html

Monumentos de Vigo

Hoxe estivemos preparando o mural con monumentos da nosa cidade. Compartimos as fotografías e recortes entre o alumnado do primeiro ciclo e estivemos comentando o que conmemoran ditos monumentos.
Os que máis se repetiron foron os cabalos da Praza de España, O Nadador e o Sereo.

Cando queirades podedes ver os nosos traballos na primeira planta do colexio.
A semana que ven falaremos de como a historia foi tratando a cidade e como evolucionou ao longo do tempo. Tamén nos ocuparemos dos medios de transporte e das estacións de pasaxeiros que hai na cidade.

VIGO (Novo proxecto didáctico do ciclo)

Hoxe escomenzamos unha nova aventura de coñecementos no C.EI,P. Javier Sensat. 

A nosa cidade vainos a servir como fonte de inspiración no noso traballo diario nas aulas.

Por esta razón tivemos que achegar recortes vermellos para confeccionar a bandeira da cidade.

Coloreamos con tempera o escudo onde locen o castelo e o olivo e tamén fixemos un cartel ben chulo co nome da cidade.

Para a semana próxima imos a confeccionar un gran mural no que aparecerán os monumentos máis importantes de Vigo. Por eso imos ter que buscar fotografías, recortes de prensa, ... nos que aparezan os monumentos e incluso podemos traer fotos nas que aparezamos nos en eses lugares.

Vai quedar ben lucido o noso traballiño!!