Hoxe no tempo da merenda escoitamos a canción de Andrés do Barro "O Tren". Estivemos vendo o seu videoclip e falamos de que o cantante ferrolán conseguiu ser número 1 con este tema cantado en galego.
A canción que curiosamente pasou a criba da censura Franquista porque oficialmente era portuguesa, convertiuse nun himno da época.
Hoxe empregámola para coñecer a imaxinación de Xabier Blanco, que no programa espacial chamado "No Bico Un Cantar" que a TVG lle adicou a Andrés do Barro, fixo unha versión moi fermosa empregando como acompañamento unha guitarra feita por el (minuto 16 aprox.). O instrumento está afinado e fíxoo a partir dunha caixa de galletas, un pau como mástil e sedel como corda. É incrible e os nenos quedaron moi sorprendidos.
No hay comentarios:
Publicar un comentario