Os Patachicas

                                            PATACHICAS

Non hai trasnos que máis lle amolen a vida ós veciños. Os Patachicas son unha familia: pai, nai e filla. Polo seu físico confúndense con patacas grandes.

Na última festa prendéronlle lume ós foguetes antes de tempo, asustaron tanto ós veciños que dubídase se farán a festa o próximo ano. Contaminan acústicamente o espacio ó redor deles facendo chirria-lo eixo do seu carro de madeira de toxo para presumir, carro no que van gardando tódalas farangullas que collen nas cociñas onde entran.

Adícanse a meter cizaña rexoubando coas mentiras e os disque-disque entre os bobos que lle fan caso.

No Xantar de Trasnos da noite do 31 de outubro cantan e bailan sen parar, repenican pandeiros e panderetas, e o ruido que montan resoa por todo o lugar.